Henk Scholte 1959–2025
Vandoage is Henk Scholte oet tied kommen: muzikant, schriever, radiomoaker, ‘godfather van t Grunnegs’. Hai was kundeg, oardeg, betrokken. En t is schane dat e dat mor 65 joar wezen mog.
Hai kende meer muziek as wèl din ook. Zien deure en haart stonden aaltied open. Hai was gul in t dailen van wat e wus en haar. Hai het n belaangrieke rol speuld veur mie, veur n bult aandere mìnsen – en zulfs veur n haile toal.
Tjeu, Henk. Wie zellen die nait vergeten. Rust zaacht.
Henk Scholte 1959–2025
De dood van Henk staait veur mie symbool veur t ìnde van n tiedpaark, van n bluiperiode in de geschiedenis van t Grunnegs. Wie zellen hom mizzen, mor nait vergeten.
Mien persoonleke eerbetoon aan de ‘godfather van de Grunneger cultuur’ 
https://www.isoglosse.de/2025/02/henk-scholte-1959-2025/
@isoglosse doar hestoe n hail mooi eerbetoon schreven, Christopher. Doar dust hom eer mit aan.
Staarkte.
@yinnargenealogie Stief bedankt! Dit haar e gewoon verdaind, toch?
@isoglosse wis en woaratje!
@yinnargenealogie k Heb òflevern van Twij Deuntjes dij zundag oetzonden is, nog nait terugluusterd. Dat goa k nou mor ais doun. Gain twievel dat t ook over Henk goan zel.
@isoglosse k zol mie t nait aans kinnen indenken.